Daurit eth tèrme d'inscripcion entath prumèr cors de pilotatge de dròns ‘FADEMUR Vuela’ en Catalonha

• Era escòla itineranta de pilotaje de dròns ‘FADEMUR Vuela’ aterrarà ena Val d'Aran eth 14 de març.
• Aquiu formarà gratuïtaments a hemnes ruraus entà obtier era certificacion d’AESA e ua especialitat ena aplicacion de dròns.
• Era escòla s'inscriu en Plan Allen Rurau, eth programa a on FADEMUR milhorarà era situacion professionau de mès de 1.000 hemnes ruraus.
• Clica ací entà inscriuer-te en cors abans deth 9 de març
• Pincha aquí para ver esta información en español
• Fes clic aquí per veure aquesta informació en català

2 de març de 2023. Era Federación de Asociaciones de Mujeres Rurales (FADEMUR) a escuelhut era Val d’Aran (Lhèida) entà hèr era presentacion oficiau deth prumèr cors en Catalonha dera sua escòla itineranta de pilotatge de dròns ‘FADEMUR Vuela’.

Eth cors servirà entàs participantes, qu’aguest viatge son totes hemnes ruraus de Catalonha, entà obtier era titulacion de pilòt a distància de UAS/dròn en categoria dubèrta, A1/A3, A2 e STS01 e STS02 ath delà dera certificacion de radiofonista, indispensabla segontes era naua normativa entà hèr operacions especializades en espaci aerian controlat.

Aguesta formacion teoricopractica s'impartirà de manèra mixta, presenciau e online, ath long de sies setmanes a compdar deth 14 de març. Dempús, es hemnes optaràn a ua especializacion, tanben gratuïta, de 15 ores mès en dròns entara agricultura de precision o en dròns damb finalitats audiovisuaus.

En totau, poiràn participar en aguest prumèr cors 25 hemnes ruraus de Catalonha, damb preferéncia entad aqueres sense trabalh que volguen iniciar ua carrèra en aguest sector de trabalh e tàs que trabalhen en ua explotacion agricòla o pagesa ena que volguen aplicar er emplec de dròns.

Es hemnes interessades en participar-i non an de hèr que completar e enviar eth formulari online abilitat pera organizacion. Era Federacion barrarà eth periòde de sollicitud eth dia 9 de març. FADEMUR contactarà damb es 25 seleccionades deth totau d'inscrites entà començar era formacion.

Era escòla en ‘Plan Allen Rural’

Entà lançar era sua escòla de pilotatge de dròn, FADEMUR s'a aliat damb era acadèmia Advanced Smart Robotics (ASR-Formación), dera empresa Pirineos Drone . Tanben damb IKEA, gràcies ath supòrt dera quau a permetut a FADEMUR lançar un programa fòrça ambiciós, eth ‘Plan Allen Rurau’. Se tracte d'ua iniciativa damb era qu'era organizacion complirà un ambiciós objectiu: milhorar era situacion de mès de 1.000 hemnes de tota Espanha en sector agroalimentari e en entorn rurau.

Damb es corsi de ‘FADEMUR Vuela’, era Federacion formarà, gratuïtaments, a 500 hemnes ruraus de dètz comunitats autonòmes pendent eth 2023 e 2024.

Ath delà dera formacion en pilotatge de dròn, eth ‘Plan Allen Rurau’ de FADEMUR tanben ajude as hemnes agricultores e pageses ena transicion ecologica des sues explotacions, a milhorar era comercializacion des sòns productes, a completar es sòns projèctes damb iniciatives d’agrotorisme e a auançar ena digitalizacion des sòns negòcis, entre d'auti ahèrs.

En resum, es activitats deth Plan Allen Rurau milhoraràn era situacion des hemnes des pòbles en mercat professionau e, tanben somaràn era contribucion d'aguestes entà ua produccion nacionau mès sostenibla.